خاطرة رثاء.. من شقيق الشهيد محمد الديب

خاطرة رثاء.. من شقيق الشهيد محمد الديب

وعادى الضحكه من غيرك !!

و برضو النومه ف سريرك !!

و تفتيشى ف درج النيش !!

و يعنى خلاص مفيش بشويش

عشان نايم متزعجوهوش !!

بقيت محبوس فكام برواز !!

و متحجّز عليك بإزاز !!

يا رحلة عمر مرسومه فعلقة موت عشان واجب ..

تصرف برضو مش عاجب يا أخ كبير ..

يا شاب أمير و ابن حلال

فعز الغيظ طويل البال

فاكر تريقتى على رسمك !!

فاكر بسمك ف موقف عايز التكشير !!

خلاص يا كبير خدوك منى !!

هتفضل برضو ف الننى

فنقطة دمعه بتغرغر

ف دنيا كبيره راح تصغر

عشان غايب يا ناس عنها أقولك برضو على حاجه !!

أنا عايش عشان حاجه هأديها.. و أجيلك جرى بعديها

سلام يا كبير

التعليقات