دشَّن عدد كبير من مستخدمي خدمة الإنترنت المقدمة من “شركة “we هاشتاج لمقاطعة الشركة؛ بسبب سوء الخدمة وضعف السرعة.

وتصدَّر الهاشتاج قائمة الأكثر تداولًا على موقع التواصل الاجتماعي “تويتر”، بهاشتاج “مقاطعة “we,ودعا المشاركون إلى مقاطعة شركة “WE” لخدمات المحمول، إحدى شركات المخابرات، بسبب سوء الخدمة مقابل التكلفة المدفوعة.

ورصد الناشطون بعض المشاكل التي يتعرضون لها, من تراجع سرعة الإنترنت، ودعوا إلى إصلاح العيب الموجود في برنامج احتساب الاستهلاك الخاص بالعميل؛ لأنه يحسب الاستهلاك بالزيادة عن الاستهلاك الفعلي.

فكتب المداوي:"نرفض تخفيض السرعه ل 265 ك والاستهلاك العادل وعدم السرقه فالاستهلاك #مقاطعة_we"

وتهكم مصطفى:"يعني إيه طورتوا الشبكة والسرعة تنزل من 1 ميجابت لـ256 كيلوبت؟ وإزاي أصلاً تنزلوا السرعة على عميل قديم وبيدفع الاشتراك في معاده؟! #لا_لسرعة_256 #مقاطعه_we"

وغرد د.علاء عبدالله:"كانت الباقة بتكفينا الشهر أول ما غيروا النظام اجباري وقالولي تم مضاعفة السرعة والتحميل مبقاش يكفي ١٥ يوم حاجة غريبة وشركة غير أمينة."

ورفض احمد:"ارفض التحويل الاجباري للسرعات الجديدة ارفض سرقة الباقات لارغام العميل لشحن باقات إضافية لزيادة مكاسب الشركة we_حرامية# #مقاطعة_we"

وسخر أبو عمر المصري:"#مقاطعه_we الراعي الرسمي. بجد النت سوبر سحلفه"

وأضاف صاحب حساب فارس الظلام:"الشركه كانت محترمة لما كانت تبع تى داتا لحد ما استولى عليها الجيش مثل كل المشاريع الاقتصادية اعملوا مقاطعه ولو يوم اعتراضا على اسلوب النصب الجديد"

وكتب محمد:"ازاي يزودوا الفلوس والخدمة زفت وخدمة العملاء ميعرفوش حاجة ع النت اساسا بتوع افتح الراوتر واقفله تاني .. #مقاطعه_we"

وعلقت جيسي:"#مقاطعه_we الهي ربنا يولع فيكو شركة we زفت بصراحة"

ودون أبوسليم:"#مقاطعه_we طيب انا عندي السرعه 5مج زي ماوضح في الصوره وستهلكت الباقه ومش بفتح اكتر من 2و3في اليوم طيب ده تسمي ايه غير سرقا عيني عينك"