في هيصة الانتخابات طلعنا الدوريات
علشان الحاج قطاطو يتعد من البشاوات
***
لا غباشي ولا متولي ولا يسري ولا هنخلي
دا الواد ده آه يالللي متعلم وابن ذوات
***
صالح قال إيه ومحمد عايز قال إيه يتصعد
دا الحزب الوطني الأوحد اللي يبين كرامات
***
حطينا الشورى في جيبنا ولا حدش راح يغلبنا
والمصريين محاسبنا رجاله مع ستات
***
الحزب الوطني شرارة راح يطلع بالزمارة
هيخلي اللجنة بصارة ويزور الانتخابات
د/ منير عبد الغني حمودة
الحامول- كفر الشيخ